منتدى رحلات مصر

مرسل: **الأربعاء فبراير 20, 2019 9:05 pm**

تأشيرة البوسنة والهرسك من مصر

سواء للمصريين او السعوديين - اليمنيين - السوريين ...الخ

بالنسبة لتاشيرة البوسنة والهرسك من مصر فى الموضوع ده حنشرح كل حاجة عن تاشيرة البوسنة وكل المعلومات عنها

اول حاجة سفارة البوسنة والهرسك موجودة فى 42 شارع الثورة - الدقي متفرع من شارع البطل احمد عبدالعزيز

نيجي بقي لمواعيد سفارة البوسنة والهرسك فى مصر فى القاهرة

بالنسبة لمواعيد القسم القنصلي المختص بالتاشيرات لسفارة البوسنة والهرسك فى القاهرة

همة بيشتغلوا يومين فى الاسبوع فقط

يوم الاثنين والاربعاء فقط من كل اسبوع

صراحة حاجة غريبة

طبعا همة بيشتغلوا من 11 صباحا الي 2 بعد الظهر

----------------

اما رقم تليفون سفارة البوسنة والهرسك فى القاهرة اللى مبيردوش عليه :custom1:

هو 0237499192 او 0237499191

-------------------------

اما البريد الالكتروني للاستفسار عن التاشيرات الي البوسنة والهرسك من مصر هو كالاتي

ambbihcairo@gmail.com

BHCONSULAR@tedata.net.eg

صراحة غريب جدا ان سفارة دولة يكون البريد الالكتروني بتاعها على الجي ميل وده يديلك ايحاء انها دولة شغالة بنظام البركة

اما اللوكيشن الخاص بسفارة البوسنة والهرسك هو كالاتي

https://bit.ly/2Em7Jnv

نيجي بقي للاوراق المطلوبة للحصول على تاشيرة البوسنة والهرسك

قبل ما تقدم على تاشيرة البوسنة والهرسك لازم تعرف شوية معلومات

يمكنك دخول البوسنة والهرسك من غير فيزا فى الحالات الاتية :-

اولا : حاملي تاشيرات دخول الولايات المتحدة الامريكية صالحة لمتعددة الدخول

ثانيا : حاملي تاشيرات الشنجن صالحة لمتعددة الدخول

ثالثا : حاملي تصريح الاقامة الساري الصادر من الدول الموقعة على اتفاقية الشنجن او الدول الاعضاء الاتحاد الاوروبي

كل ما سبق يمكن ان يدخل البوسنة والهرسك دون تاشيرة البوسنة والهرسك

اقصي مدة للاقامة فى البوسنة والهرسك لكل دخول فترة تصل الي 30 يوما ضمن صلاحية التاشيرات الصادر من الولايات المتحدة الامريكية او تاشيرة الشنجن