صفحة 1 من 1

رحلة رخيصة الى الاقصر واسوان

مرسل: السبت سبتمبر 05, 2009 11:02 pm
بواسطة سافوو
الاخوة اعضاء المنتدى فى هذا الموضوع حشرحلكم حته حته ازاى تعمل احلى رحلة الى الاقصر واسوان وبارخص فلوس ... يعنى ازاى تروح باقل فلوس ...
ملحوظة هامة الرحلة دى لشباب المغامرات فقط يعنى جهز نفسك وانطلق مع سافو
المرة اللى جاية حنبدا التقرير

موضوع حجز الطيران

مرسل: الأحد سبتمبر 06, 2009 9:08 pm
بواسطة سافوو
اول حاجه حقولهالك علشان تبتدى ترتب لرحلتك الى الاقصر واسوان هو حجز الطيارة او القطار طبعا القطار لو رايح فى فتره العيد مثلا ( وانا مش بنصحك تروح فى الاوقات دى لانها بتكون زحمه جدا ) ، لازم تحجز قبلها فتره مثلا شهر قبل .
نيجى بقى لحجز الطيارة بص يا معلم اقل سعر تذكرة طيران القاهرة الاقصر هو 200 جنية ممكن يزيد 10 جنية 15 جنية بالكتير لكن ده اقل سعر وطبعا علشان تاخد سعر بالشكل ده لازم تحجز قبلها بشهرين ولما تيجى تحجز احجز كرسى جنب الشباك وانت بتقطع التذكرة كمان احجز ميعاد يكون مثلا على طيارة 8 الصبح علشان تبتدى يومك وانت فايق ( عيش صباحك مع كوكاكولا ) ...نكمل مووضوعنا يا معلم خلاص حجزت الطيارة بتاعتك .

الوصول لمطار الاقصر

مرسل: الأحد سبتمبر 06, 2009 9:20 pm
بواسطة سافوو
طيب طبعا لما تيجى توصل الاقصر حتلاقى قدامك 500 واحد وحتلاقى واد اسمرانى اسمة سعيد هو ده المتعهد بتوع سواقين التاكسى فى مطار الاقصر ... ...اول ما تنزل من المطار حتلاقية فى وشك على طول حيقولك تاكس ياباشا ... حتوقلة رايح وسط البلد حيقولك 40 جنية طبعا السعر بتاع هيئة المينا 25 جنية ... لكن السواقين بتوع التكاسى هناك حيغشوك ويقولولك انهم حيدفعوا 5 شجنية كارته ويقولك 30 جنية ( وده السعر العادى ) ... اول ما يقولك 5 جنية كارته رد عليه قوله انت اصلا مبتدفعش كارته لانك معاك تصريح ومبتدفعش كارته ....اهم حاجه تورية انك فاهم ... وطالما انت قارى الموضوع ده يبقى ان شاء الله حتفهم الاقصر واسوان حته حته .
طيب نكمل موضوع الخروج من مطار الاقصر ده ...
فى طريقة تانية لو انت عاوز توفر ال25 جنية او 30 جنية ممكن توصل من مطار الاقصر اى وسط البلد ب 1 جنية فقط one egyptian pound يا معلم ؟؟؟؟ ازاااااااااااااى
حقولك انا ياباشا اطلع اتمشى لحد المطار بره مسافة 3 دقائق مشى وبعد عدى الناحية التانية خليك باصص للمطار وخد اى ميكروباص رايح عند النافورة قوله نزلنى لحد النافورة ... واديلة 50 قرش وبعد كده خد ميكروباص من النافورة قوله نزلنى الموقف .... اول ما تنزل الموقف انت شبة باقيت فى وسط المدينة تقدر تاخد اى ميكروباص تروح بيه اى حته ... وخلى بالك تعامل سواقين الميكروباص فى الاقصر محترمين جدا جدا فوق ما تتخيل ... احسن من اى بلد تانية فى مصر فى رأييى الشخصى ...
الموضوع اللى جاى حنكمل تسكن فين فى الاقصر يا باشا ؟؟؟؟ وازاى تسكن فى انضف حته بارخص سعر ؟؟؟
وازاى تعمل احللى رحلات مع نفسك وتستمع باجمل مدينة اثرية فى العالم ... او تنسى تطبع التقرير بتاعى وتاخده معاك الاقصر .... نكمل المرة اللى جايه ان شاء الله

مرسل: الأربعاء يناير 27, 2010 1:31 pm
بواسطة mamdouh
يا خساره فين البقيه؟؟؟

Re: رحلة رخيصة الى الاقصر واسوان

مرسل: الخميس يناير 13, 2011 10:46 am
بواسطة zarad
باقي الموضوع من فضلك

Re: رحلة رخيصة الى الاقصر واسوان

مرسل: الأربعاء فبراير 09, 2011 9:03 am
بواسطة princeimate
والله جهد جميل يا سافوو وأشكرك عليه بس ياريت تكمل باقي النصايح