اسعار البالون الطائر فى الاقصر 2019
![صورة](http://rahalat.net/upload/2857_ball1.jpg)
الاقصر هي المكان الوحيد في مصر اللي تقدر تركب فيه البالون و هي تجربة مش هقولك حاول تعملها لا دنت لازم تعملها .
الحجز بيكون عن طريق شركات البالون علي كورنيش الاقصر من الناحية الشرقية أو حسب موقع كل شركة عالنت .
_بعد ما حجزت الشركة بعتت عربية ووصلت للمعدية الاستاف روعة في التعامل وناس جميلة عندهم حرفية ومهنية عالية اوي فالتعامل معرفش ده عشان الشركة اللي حجزت معاها كده ولا كلهم كده
مدة الطيران اخدت من ٤٥ دقيقه إلى ساعة تقريبا
ارتفاع البالون وصل معايا ل١٢٠٠ متر وطبعا المنظر خرافي وزي مبيقولوا الكابتن الفرفوش رزق حظي حلو كان معايا كابتن جميل وكمان كان مرشد سياحي وكان بيشرح كل مكان نعدي فوقه بالتفصيل، يمكن عشان متعود عالطيران مكنش عندي مشكلة خالص مع الارتفاع بس اعتقد الكابتن كان ليه دور كبير جدا انه يخلي الناس مطمئنة وتركز فالشرح وتستمع بالمنظر برده ، المنظر مهما كتبت مش ممكن يوصف الواقع خصوصا وانت بتعدي فوق المعابد والأراضي الزراعية والبيوت وحاجة كده وهم اقسم بالله
وانت نازل بقى انت وحظك مفيش لاندينج فحتة معينة ممكن فالصحرا ممكن على أرض زراعية الفكرة انه الكابتن مبيعرفش يعمل كنترول كامل على السلة أو المنطاد وغالبا العوامل الجوية ليها دور كبير فكده... وطبعا طبعا اقصد بمفيش مكان محدد للنزول اللي هو موقع النزول لكن ده ملوش علاقة بالأمان خالص الامان ان شاء الله موجود وهم بيهتموا اوي بالسيفتي
لازم تجربوا الرحلة واللي عنده فوبيا من الارتفاعات يتصرف ويتعالج ويطلع ...وانا فالبالون كنت مهتم بكل حاجة وحاطط فدماغي انيي هكتب كل الحاجات دي عالجروب عشان يمكن حد يستفاد لاني برده استفدت من بوستات جميلة بتفدنيي كتير لما بسافر
وانت نازل بقى انت وحظك مفيش لاندينج فحتة معينة ممكن فالصحرا ممكن على أرض زراعية الفكرة انه الكابتن مبيعرفش يعمل كنترول كامل على السلة أو المنطاد وغالبا العوامل الجوية ليها دور كبير فكده... وطبعا طبعا اقصد بمفيش مكان محدد للنزول اللي هو موقع النزول لكن ده ملوش علاقة بالأمان خالص الامان ان شاء الله موجود وهم بيهتموا اوي بالسيفتي
الخلاصة
لازم تجربوا الرحلة واللي عنده فوبيا من الارتفاعات يتصرف ويتعالج ويطلع ...وانا فالبالون كنت مهتم بكل حاجة وحاطط فدماغي انيي هكتب كل الحاجات دي عالجروب عشان يمكن حد يستفاد لاني برده استفدت من بوستات جميلة بتفدنيي كتير لما بسافر
عدد البالونات اللي بتطلع في السيزون زي الفترة دي مثلا ممكن يوصل لحوالي ٤٠ بالون يوميا
رحلة المنطاد بتبدأ من الفجر لحد الساعة ٨ صباحا تقريبا لأسباب خاصة بالحرارة و هيئة الميناء بمطار الأقصر .
الأسعار بتختلف حسب الشركات والسيزون والهاي سيزون فالشتاء طبعا خاصة شهر ١ و ٢
نيجي بقي لصور رحلتي بالبالون فى الاقصر
![صورة](http://rahalat.net/upload/2858_ball2.jpg)
![صورة](http://rahalat.net/upload/2859_ball3.jpg)
![صورة](http://rahalat.net/upload/2859_ball3.jpg)
![صورة](http://rahalat.net/upload/2860_ball4.jpg)
![صورة](http://rahalat.net/upload/2861_ball5.jpg)