سوهو سكوير - SOHO Square

كل ما يخص مدينة السلام شرم الشيخ الجميلة ، ومددن جنوب سيناء راس سدر ، وطابا ودهب ونويبع وسانت كاترين
عماد المصرى
Site Admin
مشاركات: 85
اشترك في: الجمعة إبريل 03, 2015 8:46 am

سوهو سكوير - SOHO Square

مشاركةبواسطة عماد المصرى » الخميس إبريل 23, 2015 3:25 am

[center]سوهو سكوير - SOHO Square



صورة

من وسط أماكن الأجازات بعددها المهول فى كل أنحاء مصر، سوهو سكوير من الأماكن اللى لازم يشوفها أى زائر لشرم الشيخ. من اسمه المقتبس من ميدان سوهو الشهير فى لندن، المنطقة الساحرة بـ تقدم لمسة تجمع بين الروح اللندنية والمصرية. صحيح إنه عادة مليان سياح من كل العالم، بس كثير من أهل القاهرة كمان بـ يحبوا يقضوا أجازتهم فى شرم الشيخ، وتحديدًا في"سوهو سكوير –SOHO Square".
[/center] [center]ميدان سوهو حصل على جوائز كثير بسبب عروضه الترفيهية وشعبيته المتزايدة وكمان الاعتراف به على المستوى الدولى؛ ظهر السيد عماد عزيز، صاحب المجمع الضخم، على شاشة التليفزيون واستقبل كذا جائزة بسبب نجاحاته الهائلة.

[/center] [center]العروض الأسبوعية بـ تشمل برنامج متنوع؛ المسرح الرئيسى بـ يستضيف عروض ترفيهية مثيرة بـ يقدمها فنانين من كل أنحاء العالم. العروض الممتعة تشمل عروض بالنار، ومغنيين، ورقص شرقى وموسيقى، كلهم مع فريق من المؤديين بـ يركزوا على المواهب الشرقية اسمهم 'Barefoot'، بـ يقدموا عروض بالنار، ورقص، وباليه وسيرك.

[/center] [center]عامل الجذب الرئيسي فعلاً، ، هى النافورة الراقصة الشهيرة، اللى بـ تشتغل بداية من الساعة 6 مساءً، وبـ تكون عبارة عن عرض مائي راقص مع ألعاب نارية بـ يتم إطلاقها فى الهواء بشكل متجانس مع أغانى مشهورة، بمجموعة من اللغات المختلفة.

[/center] [center]شهرة ميدان سوهو مش بس علشان عروضه الممتعة، الميدان كمان فيه تنوع كبير من المطاعم والكافيهات؛ بجد بـ يقدم حاجة لكل الأذواق مهما كانت وبأسعار مختلفة، رغم أن أغلبهم أغلى بكثير من القاهرة.

[/center] [center]لوجبة عشاء راقية تقدر تختار من مجموعة مطاعم أنيقة منتشرة فى الميدان؛
ستيك هاوس مثلاً بـ يقدم جو شيك، ولو الحجز تم بدرى تقدر تقعد فى بلكونة رومانسية بـ تطل على الميدان.

"فيوجن-Fusion" مطعم فى الهواء الطلق بـ يقدم مجموعة أطباق من الشرق الأوسط وأوربا.
صورة


المطعم الصينى "زين-Zen" يعتبر من ضمن أشهر المطاعم الراقية


صورة
صورة

صورة



ومعاه المطعم الهندى "بومباى-Bombay"، الجرسونات ملابسهم مهندمة، أما الخدمة فمطابقة لأعلى المعايير؛
وفى حالة وجود عيد ميلاد أو مناسبة خاصة، طاقم العمل جاهزين لتجهيز أجواء شديدة الخصوصية. عندهم خطوط عريضة بـتنظم شكل الملابس تشمل بنطلونات طويلة وأحذية مقفولة كشرط أساسى للدخول، وممنوع الدخول بشورتات أو صنادل،وكبديل ممكن يوفروا بنطلونات سوداء وأحذية خفيفة.
صورة
[/center] [center]صورة

صورة


فى حالة الرغبة فى تجربة أكل أكثر بساطة، فيه عدد من المطاعم مش محتاجة شكل معين للملابس، وفى نفس الوقت بـ تقدم تشكيلة لذيذة من الأكلات."أكونا ماتاتا-Akuna Matata" بـ يقدم مزيج من المطبخ المكسيكى، والصينى، والإيطالى، والمصرى والمأكولات البحرية، أما "كافيتشينو" مطعم الأكلات اللبنانى الصغير بـ يقدم شاورما، وكفتة، وأرز وأكلات شرقية لذيذة.


صورة

صورة[/center] [center]
لازم تعرف أن فى ساعات النهار، تقريبًا مافيش حياة فى الميدان، وبـ يكون شغال عدد بسيط من الكافيهات، والبارات والمحلات.مع بداية غروب الشمس بـ يبدأ النشاط يدب فى المكان ويفضل مستمر للساعة 1 صباحًا، وعدد بسيط من البارات بـ يكمل لوقت أطول كمان.


[/center] [center]"بانجيا-Pangaea" واحد من ثلاثة نوادى سوهو الليلية. تكلفة الدخول للأزواج 120جنيه، ويعتبر غالى شوية نظرًا لأن المكان مش مبهر للدرجة بصالة رقص صغيرة، منطقة البار ومكان قعدة مريح. على أى حال، المكان بـ يجذب الاهتمام باستضافته فرق دى جى مختلفة، مغنيين وعروض ترفيهية تنعش من أجواء المكان، مع تقديمهم لعروض وتخفيضات لبعض الفنادق.

[/center] [center]"بانجيا" مرتبط ببارين آخرين: آيس بار وأوكسجين والاثنين بـ يقدموا تجربة فريدة من نوعها.

آيس بار مكان منعش زى اسمه بالضبط، خصوصًا فى شهور الصيف المولعة. المكان معمول من الثلج بمعنى الكلمة، الترابيزات، والمرايات وحتى الأكواب كلهم فى برودة الثلج وبـ يقدموا لضيوف المكان جاكيت فرو على طراز الإسكيمو لحبكة الموضوع، مع استخدام جهاز زجاجى شفاف، بـ يوضع على أنفك لاستنشاق غاز بالفاكهة –إن صح التعبير– بـ يعطيك جرعة من الطاقة.

صورة
صورة
صورة
صورة[/center] [center]فنادق سييرا وسافوى –على جانبى ميدان سوهو– بـ يشتغلوا مع بعض، وبكده بـ يحصل عملائهم على تخفيضات ضخمة، وكمان يقدروا يأكلوا ببلاش فى بعض المطاعم.

فندق سييرا

صورة

صورة

فندق سافوى
صورة
صورة[/center] [center]أنشطة مثيرة برضه متاحة منها التزحلق على الجليد والبولينج المناسبين للأصحاب والعائلات؛ نفكرك ثانى، الأسعار بـ تستهدف السياح وممكن تحسها غالية شوية. معظم الأعياد العالمية حاضرة فى الميدان وبـ تقدم تغيير على الديكورات، وشكل الترفيه، والأنشطة والفعاليات، وتجذب كل الأعمار.[/center] [center]مع المخاوف الموجودة اليومين دول، ضيوف المكان لازم يتأكدوا أنه مؤَمن كويس، والحراسة مشددة طوال الأربعة وعشرين ساعة.[/center] [center]بمحاكاته أجواء لندن المبهرة، ميدان سوهو جنة معاصرة، تجارية قريبة من المنتجعات الشهيرة فى شرم الشيخ، وشعبيته فى نمو مستمر نتيجة لتصميمه الرائع، عروضه الترفيهية المميزة واختيارات الأكل المتنوعة.[/center]
عماد المصري
مشرف قسم الحجوزات بشركة نوجيت للسياحة
حجز فنادق القاهرة - 24 ساعة - خمس نجوم
للحجز المباشر برجاء الاتصال 00201005373070-00201111188796
وللاتصال من داخل السعودية 0550758333

العودة إلى “رحلات شرم الشيخ ومدن جنوب سيناء”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 7 زوار