خليج نعمة - شرم الشيخ معلومات + صور

كل ما يخص مدينة السلام شرم الشيخ الجميلة ، ومددن جنوب سيناء راس سدر ، وطابا ودهب ونويبع وسانت كاترين
عماد المصرى
Site Admin
مشاركات: 85
اشترك في: الجمعة إبريل 03, 2015 8:46 am

خليج نعمة - شرم الشيخ معلومات + صور

مشاركةبواسطة عماد المصرى » السبت إبريل 04, 2015 2:42 am

[center][font=Arial]خليج نعمة بشرم الشيخ

لما نحكى عن خليج نعمة، يبقى بـ نتكلم عن أقدم وأكبر مناطق الجذب السياحية فى شرم الشيخ، واللى لازم كل زوار شرم يروحوها السنة دى. خليج نعمة الجميل موجود بين المطار والمدينة القديمة، جنب المارينا مباشرة.[/font]

[font=Arial]عدد كبير من البارات والمطاعم موجودة على الشاطئ، بـ يقدموا منظر خلاب مع أكلات رائعة –منها أكلات بحرية طازجة من البحر– ومشروبات منعشة.[/font]
[font=Arial]المنطقة تركيزها الأساسى على الترفيه، التسوق وتلبية الاحتياجات اليومية للسياح، والشارع الطويل دائم الحركة والنشاط مليان عروض ترفيهية حية طول الليل، وأكيد هـ يقدر يبهرك. صحيح المحلات ومطاعم الأكل بـ تكون مفتوحة وقت النهار، لكن الحياة الحقيقة بـ تكون بالليل، الوقت المناسب للشباب وعشاق السهر.[/font]
[font=Arial]من وقت ما رجلك تلمس أرض خليج نعمة، جهز نفسك لمقابلة جو نشط مش عادى. الشارع الحيوى بـ يلمع بإضاءة ساطعة مبهرة وسط حفلات موسيقية فى كل مكان. مع بداية رحلتك هـ يقابلك أصعب قرار ممكن تعمله: ابدأ بإيه؟[/font]
[font=Arial]كافيهات على الطراز البدوى منتشرة فى كل مكان، بـ تقدم مكان يستمتع فيه كل زوار شرم بالشيشة والمشروبات المتنوعة، بجانب عروض رقص وغناء. عندك كمان كثير من المطاعم العالمية، منها سلاسل مشهورة زى ماكدونالدز، وكنتاكى وبيتزا هت.[/font]
[font=Arial]بالنسبة للى عاوزين نوادى ليلية مشهورة، عندهم باشا وليتل بودا فى خليج نعمة. أما للناس اللى دماغها بعيدة عن جو الحفلات وفى نفس الوقت عاوزين يستمتعوا بمشروبهم المفضل، زازا هو المكان المثالى. لازم تزور زازا، كافيه/ بار شرقى فيه كنب مريح كله بـ يشوف مسرح عليه عروض تشمل رقص شرقى، رقص بالنار وحفلات موسيقية حية.[/font]
[font=Arial]البار الظريف بـ يقدم مشروبات كحولية وغير كحولية. خليك عارف أن أغلب الأماكن بـ تضيف 10- 15% خدمة غير مكتوبة فى المنيو.[/font]
[font=Arial]المتع الموجودة هنا مش بس أكل وشرب. خليج نعمة فيه عدد لا نهائى من البازارات المناسبة لشراء الهدايا والتذكارات، بس اعمل حسابك على فصال شديد، واوعى تقبل أول سعر.[/font]
[font=Arial]كارفور موجود على أول الشارع، وفيه هـ تلاقى أصناف بقالة ممتازة وكل احتياجاتك اليومية. منتشر كمان وسط المنطقة أكشاك صغيرة لبيع السجائر، والمشروبات والسناكس.[/font]
[font=Arial]هـ تشوف كمان مول للتسوق مليان محلات حُلىّ، ملابس وحاجات ثانية. محلات الآيس كريم كمان عددها كبير، ودورها بـ يكون مهم جدًا فى الجو الحار.[/font]
[font=Arial]خليج نعمة تقريبًا بـ يلبى كل احتياجاتك مع محلات محلية وعالمية، شركات سياحة وصرافات كلها على بُعد خمس دقائق منك.[/font]
[font=Arial]طبعًا، كل حاجة لها مميزات أكيد لها عيوب. الأكيد أنك هـ تعانى من مضايقات من العاملين فى محاولة منهم لإقناعك تشرب حاجة فى كافيهاتهم أو تشترى من محلاتهم. الموضوع ممكن يبقى سخيف شوية لو كنت لوحدك، خصوصًا لو كنتِ بنت. ننصحكم تروحوا مع شخص ثانى وبلاش الثقة فى كل الناس.[/font]
[font=Arial]خليج نعمة شارع دوشة جدًا بمزيكا صوتها عالى شغالة طوال الوقت، فلو كنت عاوز تتكلم مع حد، غالبًا هـ تحتاج تدخل واحد من المحلات. بغض النظر، خليج نعمة مكان كبير صاحى طوال الليل، بـ يرحب بكل الناس، بس خلّى بالك، هو مش لكل الناس.[/font]

[font=Arial]صور خليج نعمة[/font]
صورة
صورة

صورة[/center]
عماد المصري
مشرف قسم الحجوزات بشركة نوجيت للسياحة
حجز فنادق القاهرة - 24 ساعة - خمس نجوم
للحجز المباشر برجاء الاتصال 00201005373070-00201111188796
وللاتصال من داخل السعودية 0550758333

العودة إلى “رحلات شرم الشيخ ومدن جنوب سيناء”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 10 زوار