زيارتي الي فندق لازيب الفيوم - قرية تونس - Lazib inn hotel Fayoum بالصور والاسعار

دليلك الشامل عن جميع المدن المصرية الاخرى
رحلات مصر
Site Admin
مشاركات: 270
اشترك في: السبت يوليو 04, 2009 5:48 pm

زيارتي الي فندق لازيب الفيوم - قرية تونس - Lazib inn hotel Fayoum بالصور والاسعار

مشاركةبواسطة رحلات مصر » الخميس فبراير 16, 2017 6:25 pm

زيارتي الي فندق لازيب الفيوم - قرية تونس - Lazib inn hotel Fayoum بالصور والاسعار 

طبعا الفندق 5 نجوم موجود فى قرية تونس فى محافظة الفيوم 

فندق لازيب مطل على بحيرة قارون فى منظر هو الاروع 

فندق لازيب فندق بوتيك صغير يتكون من 8 اجنحة فقط 

من افضل الفنادق البوتيك اللى شوفتها فى مصر لحد دلوقتي 

يلا نبدا رحلتنا بالصور 

اول ما دخلنا على يمين الفندق فى باركينج مجاني  وعليه حراسة 

ركنت عربيتي وجه واحد من عندهم خد الشنط بتاعتي ورحنا ناخد المفاتيح


صورة

ده الاخ اللى ساعدنا فى الشنط الي الغرف جزاه الله خير 

صورة

المنظر ده اول ما تخش فندق لازيب حتلاقي على يمينك ديكور فرن بلدي


صورة

النفق ده فكرتة جميلة جدا وانت داخل على الفندق وبليل بينور وبيكون جميل جدا


صورة

دى غرفة الرسبشن وهو مكتب واحد بتاخد منوا المفاتيح بتاعت الغرفة 

طبعا احنا سكنا فى جناح رقم 9 ومن رايي هو افضل جناح موجود فى الفندق 

صورة

فى طريقنا للجناح 

صورة

صور للاجنحة الاخري فى الفندق 

صورة


ده مطعم الحمار الازرق ، وهو المطعم الرئيسي للفندق وفية شيش لو انتوا عاوزين 


صورة

نخش بقي على المناظر الطبيعية الموجودة فى الفندق 

صورة


صورة


صورة


صورة

ده المطعم من الجهه الاخري 


صورة


دى منطقة الاوت دور للمطعم ، قعده جميلة بدون صوت عربيات ولا دوشة خالص

صورة



ده بقي السلم اللى بيطلع علي الجناح رقم 9 الخاص بينا 
صورة


 اجمل حاجه  فى الجناح ده انك لما بتطلع السلم بتلاقي على يمينك غرفة لعب بلياردوا وللعب التنشين بالاسهم ، ودى حاجه جميلة خالص صراحة انك تطلع من الجناح على غرفة لعب البلياردوا يعني مش محتاج تنزل من اساسه 


صورة

دى منطقة الجلوس فى غرفة البلياردو

صورة


من هنا بقي نبقي صور الجناح ،  دى الصالة الخاصة بالجناح  طبعا فى دفاية تعمل بالخشب لو الجو برد ، ممكن تتصل بيهم لو بردان همه ييجوا يشغلوهالك 

بس انا مرضتش علشان ريحة الخشب المحروق حتطلع عليا فى الغرفة فبصراحة مجربتهاش ، شغلت المكيف على السخن وخلاص 

صورة
دى بقي صور الصالة المطلة على الجنينة وحمام السباحة وبحيرة قارون  
صورة


صورة


ده بقي الدولاب بتاع الملابس معمول من ابواب قديمة تحس انك داخل على بيت قديم وهو فى الاخر الدولاب فكرة جديدة وحلوة

صورة


دى التواليت فى الحمام

صورة


ده بقي الجاكوزي الجميل جدا فى الحمام واللى بيخليك تسترخي اثناء الاقامة فى الفندق

صورة


ده حوض الغسيل وفي استشوار

صورة


ده بقي السرير بتاعهم الاكثر من رائع ، طبعا السرير مبني يعني ثابت ومتين مش متحرك ، كمان المخدات والمرتبة بتاعهم حتستمتع فيها جدا  لانها فيها كمية راحة مش طبيعية

صورة


دى البلكونة

صورة


ده بقي المنظر المطل على بحيرة قارون والجناين اللى فى قرية تونس والفندق

صورة



صورة




صورة


ده بقي السقف بتاع الغرفة صراحة قمة فى الابداع ، انت هنا مش محتاج ساعة علشان تعرف انت الصبح ولا بليل ، لو لاقيت القزاز اللى فى السقف ده نور اعرف ان النهار طلع ، شكلة الديكورى جميل جدا 

صورة



دى كمية ريموتات كتير والتليفزيون بتاعهم فيه دش كامل مش زي الفنادق التانية قنوات معينة وخلاص ، التليفزيون بتاعهم كمان فى ثري دي وحتلاقي النضارة موجودة فى الفندق 

صورة


دى الخزنة بتاعت الدولاب لو عندك حاجات ثمينة او فلوس او موبايل

صورة


التواليت فية شطاف عادي  

صورة


غرفة الشاور فى الحمام

صورة


منظر مطل على الجنينة من البلكونة

صورة


باب الغرفة

صورة


فى طريقنا على اسفل

صورة


المطعم الرئيسي للفندق ليلا

صورة


لما رجعت الغرفة لاقيتهم حطين طبق فواكة جميل جدا

صورة


كاتل الشاى عندهم صحي جدا مصنوع من السيراميك ، مش بلاستك المضر

صورة



صورة


ده الكوبري المؤدي الي الغرفة فى الفندق

صورة


نخش بقي على الفطار الصباح ، ودى صورة المطعم فى انتظار الافطار

صورة


الصورة دى مش بالمقلوب دى صورة حمار متعلق فى السقف مش عارف همه معزبينة لية

صورة


نيجي بقي على الفطار اللي يجنن ، اروع فطار شرقي شوفتة فى حياتي ، اول مرة مطعم يجبلي قدرة فول اكب منها

صورة



فطير يجنن ، عسل ، مش ، طحينة ، بيض مسلوق ،،، حاجة من الخيال حقيقة

صورة


نخش بقي على الفول

صورة



الفندق من اول ما تخش لحد لما تخرج حتلاقي اهتمام غير عادي من العاملين فى الفندق بيك ،مش كدة وبس وانت 

خارج تركب عربيتك ، بيديلك قزازتين :custom1: :custom1: :custom1: مية و علبة موز مقلي ، صراحة انصح بهذا الفندق جدا

the royal
مشاركات: 2
اشترك في: الاثنين أغسطس 07, 2017 4:19 am

Re: زيارتي الي فندق لازيب الفيوم - قرية تونس - Lazib inn hotel Fayoum بالصور والاسعار

مشاركةبواسطة the royal » الاثنين أغسطس 07, 2017 1:35 pm

لو سمحت ممكن اعرف الاسعار فى حدود كام

رحلات مصر
Site Admin
مشاركات: 270
اشترك في: السبت يوليو 04, 2009 5:48 pm

Re: زيارتي الي فندق لازيب الفيوم - قرية تونس - Lazib inn hotel Fayoum بالصور والاسعار

مشاركةبواسطة رحلات مصر » الاثنين أغسطس 07, 2017 4:29 pm

the royal كتب:لو سمحت ممكن اعرف الاسعار فى حدود كام

السعر فى اليوم تقريبا 2000 جنية 


العودة إلى “بوابة الرحلات الى المدن المصرية الاخرى”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 7 زوار