اسعار الشقق والشاليهات فى بورتو السخنة

دليلك الشامل عن جميع المدن المصرية الاخرى
رحلات مصر
Site Admin
مشاركات: 270
اشترك في: السبت يوليو 04, 2009 5:48 pm

اسعار الشقق والشاليهات فى بورتو السخنة

مشاركةبواسطة رحلات مصر » الأحد فبراير 12, 2017 9:39 am

اسعار الشقق والشاليهات فى بورتو السخنة 

لو حضرتك اول مرة تروح السخنة يبقي لازم تزور بورتو السخنة لانها افضل مكان هناك 

نصيحة متجربش اى مكان تاني غير بورتو السخنة لانه المكان الوحيد اللي مليان بالمطاعم والكافيهات والسنيمات وكل الخدمات اللى حضرتك عاوزها 

لو عاوز فندق هدوء وفخم من غير دوشة خليك فى فندق موفنبيك السخنة ، فندق حلو وجميل جدا 

طيب لو حضرتك طالع من القاهرة وخدت طريق القاهرة العين السخنة فى الاخر حتلاقي طريقين

زي اللى فى الصورة اللى تحت طريق يمين على الغردقة وطريق شمال على السويس 

بورتو السخنة فى طريق الغردقة يعني لازم تاخد يمين 

صورة

لو انت حاجز او مش حاجز نصيحة مني متحجزش اساسا هناك ولا من بوكينج ولا كوكينج 

طيب السكن فى بورتو السخنة بينقسم الي 3 حاجات 

فندق بورتو السخنة 

ابراج بورتو السخنة ( خوفو ، خفرع ، منقرع )

الشاليهات 

اولا : فندق بورتو السخنة 

لو حتحجز فندق بورتو السخنة احجز مباشرة مع الفندق حتلاقي السعر ارخص من بوكينج تقريبا ب 50 جنية ... زي ما بقولك كدة وده لان بوكينج بياخد عمولة من الفندق فلازم الفندق يزود على حضرتك العمولة دى

لو الوقت زحمة وفى الصيف او فى الاعياد او المناسبات كلم الفندق واحجز بالتليفون افضل 


ثانيا : الشقق والشاليهات 

هناك حتلاقي سماسرة بالهبل عند بورتو السخنة ، للعلم ان ادارة بورتو السخنة نفسها ممكن تحجزلك شاليه هناك بس سيبك من الادارة وخليك مع السمسارة لانهم ارخص 


وانت داخل على البوابة الراجل حيسئلك عندك حجز قولة لا معنديش شوفلي انت ، حيديك نمرة واحد من السمسارة حيجيلك فى ثانية وحجيلك شالية وتستلمة فى ثانية  سواء شقة او شالية 


نصيحة مني اختار دور عالي - واختار برج خفرع لانة البرج اللى فى النص بالظبط والمنظر منوا تحفة 


اتمني ان حضرتك تكون استفدت من التقرير بتاعي مع تمنياتي برحلة سعيدة

the royal
مشاركات: 2
اشترك في: الاثنين أغسطس 07, 2017 4:19 am

Re: اسعار الشقق والشاليهات فى بورتو السخنة

مشاركةبواسطة the royal » الاثنين أغسطس 07, 2017 4:32 am

انا كل تجاربي مع بورتو السخنه سيئه جدا ياريت لو حضرتك تدلني على افضل سعر وافضل شقه فى نفس الوقت بس فى منطقة الاهرامات وشكرا لحضرتك


العودة إلى “بوابة الرحلات الى المدن المصرية الاخرى”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 13 زائراً