افضل مول فى القاهرة - دليل المولات الجديدة فى القاهرة

منتدى يقدم جميع المعلومات عن قاهرة المعز..
رحلات مصر
Site Admin
مشاركات: 270
اشترك في: السبت يوليو 04, 2009 5:48 pm

افضل مول فى القاهرة - دليل المولات الجديدة فى القاهرة

مشاركةبواسطة رحلات مصر » الخميس فبراير 23, 2017 9:18 am

افضل مول فى القاهرة - دليل المولات الجديدة فى القاهرة


انهارده حنتكلم عن افضل مول فى القاهرة وحنحكي عنهم واحد واحد بالتفصيل عن كل مول ومميزاتة وعيوبة فى مولات القاهرة 

طبعا وانا بكتب التقرير ده مول مصر فى طريق الواحات لسة مفتحش 




1- مول سيتي ستارز فى مدينة نصر 

انا بعتبر ان المول ده يعتبر رقم 1 فى مصر حتى الان بلا منافس بالرقم من افتتاح بعض المولات الجديدة فى كايروفيستفال سيتي ، مول سيتي ستارز يعتبر من افضل المولات فى القاهرة كلها لاسباب كثيرة جدا ، اولا التجديد المستمر ، تنوع المطاعم اللى فية والمحلات ، كمان عدد الزوار في مول سيتي ستارز بيعطية الافضلية لان اللى بيزورة 40 الف زائرة يومي ، ايجارات المحلات فى سيتي ستارز هي الاغلي من كل المولات التانية لذلك تلاقي محلات كتير بتقفل ومحلات كتير بتفتح بسبب ان فى ناس مبتقاش قادرة علي ايجارات المحلات هناك ، طبعا المحل الشاطر والناجح بيستمر على طول 

المول فية كل حاجه من سنيمات ومطاعم وكافيهات اشكال وانواع ، ومناطق العاب للاطفال 

العيب الوحيد فى مول سيتي ستارز 

انة لا يوجد به سوبر ماركت ضخم مثل المولات الاخري 


2- مول كايرو فيستفال سيتي 

يعتبر من اكبر واضخم المولات  فى القاهرة ، المول فية حاجات مش موجودة فى اي مول تاني زي مثلا ايكيا ، كيدزينيا وبينقسم المول للاقسام التالية 

منطقة كارفور 

منطقة المطاعم الفود كورد - منطقة كيدزينيا - منطقة مطاعم النافورة الراقصة 

منطقة  الشوبينج 

عيب المول ده  ان عدد المحلات الشوبينج فية قليلة 

ميزتة ان السنيما بتاعتة جديدة وانضف من سنيما ستي ستارز 

ميزتة ايضا ان فية سوبر ماركت كبير  تشتري حاجات البيت قبل ما تروح 


3- مول العرب 

يعتبر من افضل المول موجود فى القاهرة ولكنة يخدم سكان مناطق 6 اكتوبر والشيخ زايد 

مول جميل فيه سنيما ، ومطاعم ونافورة راقصة وكافيهات 

لكن مشكلة المطاعم فى منطقة النافورة الراقصة انها مطاعم رديئة وليست دون المستوي 

اهم ميزة فى المول ده انوا فية اكبر منطقة للعب الاطفال فى مصر 

يعني لو معاك اطفال لازم تروح مول العرب حينبسطوا جدا


4- صن سيتي مول 

يعتبر ايضا من افضل المولات فى القاهرة - كان زمان معليهوش رجل - لما السنيما فتحت بقي جميل جدا 

فى منطقة للتزحلق على الجليد اللي مش موجودة فى اى مول تاني - كمان في مركز بولينج - فى سوق كارفور 

الميزة الاجمل ان السينما بتاعت صن سيتي مول - قمة الروعة وافخم وانضف واجدد من سنيما سيتي ستارز 


5- داندي مول اكتوبر 

يعتبر من افضل المولات ايضا لكن عيبة بعيد المحلات اللى فية قليلة نوعا ما 

لكن يعتبر سوق كارفور اللي فية كبير جدا ومتنوع 


6- مول سيتي سنتر المعادي - كارفور 

المول صغير طبعا بالنسبة للمولات الاخري - عيبة المنطقة اللى هو فيها - منطقة شوية غير مؤهلية لاستقبال السيارات 

المول جميل من حيث كارفور - منطقة الفورد كورت فية جيدة الي حد ما 


احسن مولات القاهره


7- طلعت حرب مول 

يعتبر من اقدم المولات الموجودة فى القاهرة  وهو يتبع البنك الاهلي المصري - المول عبارة عن 6 طوابق فقط بتقدم المحلات دى لبس للشباب فقط 

وجميع المحلات ماشية بنمط واحد 

الدور الارضي للمول يوجد فيه كافيهات جيدة الي حد ما 


8- الحرية مول مصر الجديدة 

المول ده بقي بردوا ماشي على نفس نمط طلعت حرب مول اللى هو بيقدم لبس فى اتجاه محدد ولكن هنا اللبس للبنات فقط  وكل المول ماشي فى الاتجاه انوا بيقدم جميع انواع الملابس للسيدات والبنات فقط 


اتمني ان تقريري يكون عجبكم- لو عاوز تسئل اى سؤال احنا تحت امركم 

العودة إلى “رحلات القاهرة”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 20 زائراً