منتدى رحلات مصر

مرسل: **الأحد فبراير 19, 2017 12:55 pm**

مطعم باب شرق - فندق النيل ريتز كارلتون القاهرة

من اجمل المطاعم اللى افتتحت اخيرا مطعم وكافية باب شرق الموجود جوة فندق النيل ريتز كارلتون القاهرة الموجود فى وسط البلد على النيل

مطعم باب شرق موجود فى المنطقة الخلفية لفندق النيل ريتز كارلتون القاهرة وبالتحديد فى حديقة الفندق الخلفية اللى بتطل علي ميدان التحرير

المطعم اكلة شرقي جدا - لذيذ جدا

احلي حاجه عندهم سندويتش الكفتة فى رغيف عيش بلدي

المطعم عنده فرن بلدي وبيقدم عيش فرش

عندهم شيشة ، وكمان عندهم شاشة ضخمة واجمل شاشة تتفرج عليها المباريات المهمه

بالنسبة لاسعارة معرفش الحقيقة لاني مبدفعش هناك

بس لو حبيت تركن وتروح المطعم ده ، نصيحة متركنش فى الفندق لان الركنة فى الفندق الساعة ب 45 جنية

ممكن تركن فى جراج التحرير علي بعد خطوات من الكافية

ودى صور مطعم وكافية باب شرق فى فندق النيل ريتز كارلتون القاهرة