زيارتي الي ايكيا فى كايرو فيستفال سيتي مول - التجمع الخامس القاهرة
انهارده رحلتنا الي مول ايكيا للاثاث فى كايرو فيستفال سيتي مول الموجود فى التجمع الخامس
طبعا للي مرحش قبل كدة كايرو فيستفال سيتي موجود فى التجمع الخامس ، علي الطريق الدائري فى اتجاه القاهرة الجديدة وطبعا موجود كباري ووصلات من كل مكان لكايرو فيستفال سيتي مول
ممكن تعمل بحث فى جوجل ماب علشان توصل هناك
يلا نبدا رحلتنا
طبعا ايكيا بتتكون من دورين ، لو معاك طفل ومش عاوز تلف بيه جوة ، ممكن تسيب طفلك بامان جدا فى مدخل ايكيا حتلاقي مكان للاطفال يلعبوا فية وحتاخد كارت علشان تستلم بيه طفلك وانت خارج
((خد بالك اي قطعة حتشتريها من ايكيا لازم يكون عندك شنيور وميزان مية علشان تعرف تركبها وعادة تركبها سهل جدا لان فيها كاتالوج )))
ايكيا عبارة عن دورين - دور فيه غرف او قطع اثاث كاملة ، والدور اللي تحت فيه اقسام لكل المنتجات الخاصة في ايكيا
وانت داخل متنساش تاخد الكتالوج المجاني من ايكيا علشان تعرف كل المنتجات لما تروح:custom1:
دى غرف العرض بتاعت ايكيا ، طبعا انت ممكن تاخد اى قطعة موجودة فى العرض مش لازم تشتري الغرفة كلها ، وكل قطعة موجود عليها ستيكر ورقم علشان تروح تجيبة من المخزن
كل المنتجات فى ايكيا حتلاقي عليها ستيكر زي ده حتصورة بموبايلك علشان لما تروح المخزن تجيبة على طول ، لان الغرف دى للعرض فقط
دى الارفف الموجودة فى ايكيا صراحة جميله جدا وخصوصا فى تركيبها فى البيت وارخص من النجار وانضف واشيك بكتير
دى بقي ارفف ممكن تخليها مكتبة على حسب احتياجك صممها براحتك
ساعة حائط فى ايكيا فى قسم الادوات الكهربائية
غرف العرض فى ايكيا
مكاتب نموذجية للعرض فى ايكيا
انواع اخري من الارفف والمكاتب
