اسعار افريكا بارك طريق مصر اسكندرية 2021

منتدى يقدم جميع المعلومات عن قاهرة المعز..
رحلات مصر
Site Admin
مشاركات: 270
اشترك في: السبت يوليو 04, 2009 5:48 pm

اسعار افريكا بارك طريق مصر اسكندرية 2021

مشاركةبواسطة رحلات مصر » الجمعة يناير 13, 2017 2:14 pm

 اسعار افريكا بارك طريق مصر اسكندرية  2021

Africa Safari Park prices 

احلي خروجة فى مصر وخصوصا للاطفال هى افريكا سفاري بارك - صراحة جميلة جدا  وهى عبارة عن بارك مفتوحة وبتتصور مع الحيوانات اللى موجودة جوة البارك 

سعر دخول افريكا سفاري بارك طريق مصر الاسكندرية الصحراوي : سعر السيارة ب 500 جنية ايا كان العدد الموجود داخل السيارة ، لو عربيتك فيها سقف بانوراما حتبقي الرحلة واو واو وده لان القرود بتشوفهم يتنططوا فوق العربية وتعيش مغامرة مش حتنساها طول حياتك 

موقع افريكا سفاري بارك : هى بتقع على الكيلو 65 طريق اسكندرية القاهرة الصحراوي بمعني انها اقرب للاسكندرية من القاهرة 

المدة الزمنية من القاهرة  : لو انت رايح هناك هى تقريبا ساعة ونص من القاهرة 

مواعيد البارك : من 9 صباحا الي 5 مساءا   

يفضل تروح بدري علشان تستمتع بالوقت هناك 

نصيحة : غسيل العربية بتاعتك جوة ب 30 جنية ، وهى غسيل اى كلام ، فكك منهم ومتغسلهاش واطلع على  واحة عمر على بعد 30 كيلوا بعد البارك واغسلها هناك ب 15 جنية 

المدة الزمنية داخل البارك : تقريبا من ساعة ونص الي ساعتين على حسب الناس اللى معاك 

وجوهم 

طبعا الصور كتير بس انا ححكي حاجات مختصرة عن افريكا سفاري بارك 

دى الجمال اللى بتاكل على العربية بتاعتك 


صورة

دى مرحلة البغبغان ، وفهيا بتتصور مع البغبغان على كتفك وعلي ايديك ، يا ريت متخافوش فى المرحلة دى لان البغبغان مش حيعضك  :custom7: :custom7: :custom7:

صورة

دى مرحلة السلاحف ، وجميلة جدا للاطفال ممكن تركب السلحة وتتمشي بيها شوية  :custom7:



صورة

ودى بقي احلي مرحلة فى البارك ، ودى انت بتخش غابة كلها قرود كتير جدا وبيحطلك اكل على عربيتك وفوقيها  وهمة بيهجموا على العربية ، طبعا لازم تقفل القزاز وبتمشي والقرود راكبين على العربية وكانك ماشي فى فرح  :custom7: :custom7:

صورة

رحلة سعيدة الي افريكا سفاري بارك طريق الاسكندرية - القاهرة الصحراوي 

رحلات مصر
Site Admin
مشاركات: 270
اشترك في: السبت يوليو 04, 2009 5:48 pm

Re: اسعار افريكا بارك طريق مصر اسكندرية 2017

مشاركةبواسطة رحلات مصر » الجمعة يناير 13, 2017 5:57 pm

 نكمل رحلتنا فى افريكا سفاري بارك 

ده المدخل قبل ما تدخل منطقة القرود طبعا لازم تنتظر لحد ما العربية اللى قدامك تخلص وبعدين تخش حضرتك 

صورة

دى منطقة الاسد وعادة الاسد بيكون جوة قفص علشان خاطر هو حيوان مفترس ايا كان وضعة 

صورة

فى اخر الرحلة جوة حديقة افريكا سفاري بارك - بتاخد جولة بالمركب لمدة تقريبا 15 دقيقة وهي جميلة جدا ،، ممكن تطلبوا من سائق المركب الدخول الي منطقة النسانيس ، بس يا ريت محدش ياكل النسانيس علشان متاذيش اطفالكم ،،، رحلة سعيدة

صورة

زهراء
مشاركات: 1
اشترك في: السبت يوليو 15, 2017 5:21 am

عاوزا اعرف ينفع ميني باص مكون من ٣٠ فرد يدخل البارك ولا لا ؟ وسعره كم !!

مشاركةبواسطة زهراء » السبت يوليو 15, 2017 5:26 am

عاوزا اعرف ينفع ميني باص مكون من ٣٠ فرد يدخل البارك ولا لا !! وسعره كم؟؟؟

رحلات مصر
Site Admin
مشاركات: 270
اشترك في: السبت يوليو 04, 2009 5:48 pm

Re: اسعار افريكا بارك طريق مصر اسكندرية 2017

مشاركةبواسطة رحلات مصر » الأربعاء يوليو 19, 2017 2:11 pm

اعتقد ينفع يا اخت زهراء

ziad_alaa
مشاركات: 1
اشترك في: الأحد أغسطس 27, 2017 7:33 pm

Re: اسعار افريكا بارك طريق مصر اسكندرية 2017

مشاركةبواسطة ziad_alaa » الأحد أغسطس 27, 2017 7:40 pm

انا عايز اعرف في عرووض وجبات في البارك

رحلات مصر
Site Admin
مشاركات: 270
اشترك في: السبت يوليو 04, 2009 5:48 pm

Re: اسعار افريكا بارك طريق مصر اسكندرية 2017

مشاركةبواسطة رحلات مصر » الأحد أغسطس 27, 2017 8:28 pm

ziad_alaa كتب:انا عايز اعرف في عرووض وجبات في البارك

لا مفيش اى اكل او شرب بيكون اكسترا  ،، ونصيحة لو عاوز تاكل متكلش عندهم اطلع على واحد عمر فى الطريق من الاسكندرية الي القاهرة بعد البارك تقريبا ب 10 كيلو بالكتير واكلهم جميل 


العودة إلى “رحلات القاهرة”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 19 زائراً