افضل واحسن مطعم فول وطعمية فى القاهرة
مرسل: الجمعة يناير 13, 2017 1:48 pm
انهارده يا ريت نتكلم عن احسن وافضل مطعم فول وطعمية فى مصر
طبعا فى الموضوع ده انا اقصد المطاعم اللى فيها جلسات مش المطاعم الفول والطعمية التيك اواي فقط
احنا انهارده حنتكلم عن افضل مطعم فول وطعمية فى القاهرة
مطعم فلفة فى وسط البلد
العنوان - شارع هدي شعراوي - وسط البلد -
طبعا المطعم قريب جدا من ميدان طلعت حرب
لو معاك سيارة ممكن تركنها فى البستان مول جنب المطعم لان الركنة هناك صعبه شوية فى الايام العادية علشان الشركات الموجودة بجوار مطعم فلفلة وسط البلد ، لكن ايام الجمعة والسبت الدنيا فاضية شوية
المطعم في منوا تيك اواي وده مطل على شارع طلعت حرب مباشرة
وفى منه مطعم وجلسات وده على شارع هدي شعراوي
انا هنا بتكلم عن المطعم اللى فيه جلسات وهو على شارع هدي شعراوي
وده اللوكيشن بتاعه فى جوجل ماب
المطعم مفتوح من 6 صباحا - اهم ميزة فى المطعم ده انوا مش بيقفل ابدا حتى اى الاعياد والمناسبات مستحيل يقفل
الاسعار : المطعم شوية غالي يعني مثلا اخدت طبق فول + طعمية + بتنجان + طحينة + سلطة خضرا + مية الحساب حيكون ب 80 جنية
بس فى نظري ان الاكل فى مطعم فلفلة علاء الدين اللى وسط البلد من افضل مطاعم الفول والطعمية اللى شوفتها فى حياتي ،، على فكرة المطعم ده لية فروع تانية لكن فى رايي المتواضع انها مش حتكون زي المطعم بتاع وسط البلد
ودى صور الفول والطعمية فى المطعم
اتفضلوا معانا
فى الموضوع القادم حكلمكم عن مطعم التابعي اللى فى رمسيس واللى فى جامعة الدول العربية