اماكن جديدة للخروج فى القاهرة 2021

منتدى يقدم جميع المعلومات عن قاهرة المعز..
رحلات مصر
Site Admin
مشاركات: 270
اشترك في: السبت يوليو 04, 2009 5:48 pm

اماكن جديدة للخروج فى القاهرة 2021

مشاركةبواسطة رحلات مصر » الاثنين مارس 04, 2019 11:20 pm

اماكن جديدة للخروج فى القاهرة 2021


علشان الناس اللى عاوزة جو خروجات مختلف خالص ...


خروجات تنفع للأسرة و الأصحاب ولو معاك أطفال كمان ( علشان محدش يقولنا الخروجات أكل وبس


جمعنالكم فى البوست ده خروجات فيها حركة وحاجات بتبدأ من أول 30 جنية مثلا للفرد وهتعملوا حاجة مختلفة خالص عن اى حاجة جربتوها قبل كدة


البوست ده للخروجات اللى هتقدر تغير بيها مود خالص وتعمل حركة تفيدك كمان


يعنى نقدر نقول خروجات رياضية بس بصراحة هتعملوا حاجة مختلفة خالص ..



صورة


‎المظله فتحت بص لفوق 


‎...المظله


‎البوست ده للناس اللى محبوسه فى القاهرة ونفسها تجرب حاجه جديدة جدا


‎ طبعا اول ما حد بيعرف انك هتنط من الطياره هيقولك انت اتجننت وازاى هتعمل كده خصوصا لو بنت


‎بس فعلا أحساس المغامرة و الادرينالين من اجمل اللحظات اللى ممكن تجربها وانت بتنط من الطيارة بكامل قواك العقليه من على ارتفاع حوالى 2000 قدم وتشوف المظلة وهى بتفتح وطاير فى السما بعد كده تستعد علشان تنزل على الارض صح .


‎**مكان التدريب: مركز شباب الجزيرة ودى الصفحة بتاعتهم علشان لو حابين تعرفوا حاجه اكتر N.N parachuting team ***


‎التدريب: بيقى تلات ايام فى الاسبوع (تلات الساعة 6 بليل -جمعة الساعة 9 الصبح -سبت الساعة 9 الصبح) عباره عن جرى و لياقه و مظلات علشان توصل للمستوى المطلوب للأختبار اللى بيكون عباره عن قفز من برج ارتفاع 10 متر ب Zipline وده بيديك ثقه انك تنط ن الطيارة بعد كده


‎نيجى بقى عند شروق يوم العمليه ..بيادتك معاك و اطلع يا باشا على مطار شرق القاهرة الحربى علشان نستلم المظلة T10B ونلبسها و بعد ما يتتمم عليك عشروميت مرة بنركب الطياره C130علشان نروح منطقة الاسقاط اللى فى واى العواسج قريب من الاسماعلية كده و اول ما يرن جرس القفز الباب بيتفتح و وهوب دوبل كيك نبتدى نقفز كلنا ورا بعض وتستمتع بلحظة الخروج وفتح المظله ودفعتك كلها حواليك


‎بعد القفز هيبقى معاك شهاده و كارنيه من الاتحاد المصرى للقفز.


*******************************


‎- التدريب فى المكان ده بس ببلاش علشان انت مابتدفعش غير رسوم النادى 85 جنيه فى الشهر.


‎- التكلفه بتاعت القفزة ودى االى بتم تحديدها من الجيش 1500 + 500 رسوم تسجيل لأتحاد القفز بالمظلات. 


‎- السن من 15 سنة


‎- الوزن من 50 الى 85


‎- المدربين هناك مدنيين بس المعاملة ميري والموضوع ده من اعظم الحاجات اللى بتساعدك تتعامل بعد كدة ف المطار لأننا بنط تبع مطار عسكري وبيفضلوا معاك لحد ماتوصل لمستوى اللياقه المطلوب وبيكونو معاك يوم الاختبار و القفزه.


‎أجمل حاجه فى التجربه دى انك بتطلع بصحاب وذكريات حلوه مكمله معاك


‎المهم روحوا اتدربوا يا جماعة ونطوا واعملوا حاجة مختلفة واخرجوا عن العادي بتاعكوا وهتدعولى او لأ مش متأكد


*-*******************--------------***************



صورة


نادي الرماية للقوات المسلحة ⁦⁦ 


اكبر و اعرق ميدان رماية في الشرق الأوسط بمواصفات اولمبية يستضيف بطولات دولية و يصنع ابطال رماية محترفين بخبرة المدربين العالميين في الرماية بضغط الهواء بالبندقية، المسدس و الخرطوش، التدريب متاح لكل الاعمار بداية من سن ١٠ سنوات رجال & سيدات و ولاد & بنات


لو نفسك تعيش التجربة دي بنفسك ممكن تحجز حصة واحدة ب 75 جنيه و هتتعلم فيها الاساسيات:


أجزاء السلاح و كيفية تعمير السلاح


[b]اساسيات الامان[/b]



[b]وضعيات و قواعد التصويب[/b]





الطلقات أو الرش بيتباع هناك السعر بيختلف حسب سعر الطلقات غالبا بتكون في حدود 50 جنيه بتكفي أكتر من تمرين للفرد الواحد





الاشتراك الشهري ب 300 جنيه   التدريب بيكون مرتين في الاسبوع أيام السبت و الثلاثاء من الساعة 5 للساعة 8 بالليل  





ولو انتوا مجموعة كبيرة مع بعض ممكن تجزوا وقت و يوم مناسب ليكم غير مواعيد التدريب العادية





* الاشتراك متاح للمدنين



** مسموح بالتصوير





الاوراق المطلوبة للاشتراك:



للرجال فوق 21 سنة: فيش و تشبيه موجه لنادي الرماية + صورة البطاقة + صورة شخصية



للسيدات: صورة البطاقة و صورة شخصية --->>> (( مش مطلوب فيش و تشبيه للسيدات ))  



اقل من 18 سنة ل 21 : صورة البطاقة + صورة شخصية





من 10 سنوات ل 18 سنة: شهادة الميلاد + صورة شخصية + صورة بطاقة ولي الامر





الرماية من اجمل الرياضات اللي بتحس فيها بمتعة الانجاز و النجاح و بتعتمد على العقل و التركيز و بتساعدك في تنمية مهارات كتيرة سواء بشكل مباشر او غير مباشر، انصحكم تجربوها مرة على الاقل، و هتدمنوها 





للاستفسارات و التفاصيل و الحجز: كابتن/ أحمد مراد



01006632351





العنوان: نادي الرماية - الهرم، ميدان الرماية -- سهلة اهو 



اساسيات الامان


وضعيات و قواعد التصويب


الطلقات أو الرش بيتباع هناك السعر بيختلف حسب سعر الطلقات غالبا بتكون في حدود 50 جنيه بتكفي أكتر من تمرين للفرد الواحد


الاشتراك الشهري ب 300 جنيه   التدريب بيكون مرتين في الاسبوع أيام السبت و الثلاثاء من الساعة 5 للساعة 8 بالليل  


ولو انتوا مجموعة كبيرة مع بعض ممكن تجزوا وقت و يوم مناسب ليكم غير مواعيد التدريب العادية


* الاشتراك متاح للمدنين


** مسموح بالتصوير


الاوراق المطلوبة للاشتراك:


للرجال فوق 21 سنة: فيش و تشبيه موجه لنادي الرماية + صورة البطاقة + صورة شخصية


للسيدات: صورة البطاقة و صورة شخصية --->>> (( مش مطلوب فيش و تشبيه للسيدات ))  


اقل من 18 سنة ل 21 : صورة البطاقة + صورة شخصية


من 10 سنوات ل 18 سنة: شهادة الميلاد + صورة شخصية + صورة بطاقة ولي الامر


الرماية من اجمل الرياضات اللي بتحس فيها بمتعة الانجاز و النجاح و بتعتمد على العقل و التركيز و بتساعدك في تنمية مهارات كتيرة سواء بشكل مباشر او غير مباشر، انصحكم تجربوها مرة على الاقل، و هتدمنوها 


للاستفسارات و التفاصيل و الحجز: كابتن/ أحمد مراد


01006632351


العنوان: نادي الرماية - الهرم، ميدان الرماية -- سهلة اهو 


--------------------------------****************----------------*****


صورة


مين قال ان القاهره مفيهاش غير كافيهات و مطاعم و شارع المعز و الحسين؟؟


بعد غياب طويل عن الكتابه علي الصفحه الجميله ديه حبيت اجيبلكم مكان مستخبي لناس الي عايزه تزود هرمون السعاده و حابه تعمل حاجه مجنونه و جديده في نفس الوقت.


المكان الي هتكلم عليه مش اي حد يعرفه بالرغم ان ناس كتير بتسافر عشان تلعب اللعب ديه مخصوص و بيكون سعر اللعبه حوالي 50 دولار لفرد يعني بتتكلم 800 جنيه.


طيب انا هتكلم انك تقضي يوم مجنون و هتلعب 4 لعب هيكلفك 200 جنيه و مش لازم تلعب كله و ممكن تتحاسب باللعبه و هتكلفك 50 جنيه.


يلا نبدا المغامره


في مكان اغلب القاهريين يعرفوه في المقطم اسمه دير سمعان الخراز و ديه عباره عن كنيسه محفوره في صخور المقطم و معروفه جدا.


*ملحوظه


مش عايزك تتخض و انت طالع طريق الكنيسه عشان هتمر علي عزبه الزبالين فهتلاقي الريحه صعبه شويه بس مجرد ما توصل الكنيسه هتلاقي الريحه اختفت.


و انت داخل الكنيسه قول لامن انك داخل عند ماريو.


ماريو ده راجل كندي عايش في مصر بقاله ٢٥ سنه و بيتكلم عربي مكسر.


جه مصر و عمل منطقه العاب ملحقه بالكنيسه اسمها High Ropes و كلها عباره عن احبال مربوطه في منطقه الجبل.


هناك هتلاقي ٤ العاب بس الاربعه امتع من بعض بمراحل و العاب مش مؤلوفه بالنسبابنا عشان مش بنشوفها غير بره او علي التيلفزيون.


اول ما تدخل منطقه الالعاب هتلاقي منطقه لجلوس لناس الي حابه تتفرج بس و تتصور و الجلوس مجانا يعني مش لازم تطلب او تشتري حاجه.


هتلاقي حمام نضيف عشان لو حبيت تغير هدومك.


قبل ما تبدا اللعبه هتدخل منطقه يلبسك فيها الخوذه و شورت حزام و دول وسائل الامان.


بعد كده هتدخل منطقه الالعاب الي هتلاقي فيها:


+اول لعبه اسمها zip line


و ديه اهم لعبه لازم تبدا بيها و ديه عباره عن برج بتطلع عليه و تتربط في حبل و تتزحلق و طبعا اللعبه ديه هتحس في الاول بخوف رهيب في الاول بس هتلاقي قمه استمتاع و انت بتتفرج علي المقطم و انت طاير و تتفرج علي الكنيسه من اعلي نقطه.


اللعبه ديه محتاجه ثقه في نفسك انك في امان و مفيش خطر عليك.


سعر اللعبه ديه 75 جنيه.


+ملحوظه مهمه


اللعبه ديه مش بتشتغل غير قبل ما الدنيا تضلم عشان تكون شايف الدنيا من فوق.


+لعبه تسلق الصخور 


اللعبه ديه لازم تبدا بيها قبل اللعبتين التانيين عشان محتاجه طاقه عاليه و فيتنس عالي جدا عشان مجهود عالي انك تطلع ارتفاع عالي جدا عشان تضرب الجرس و طبعا متخفش بيكون في شخص انت مربوط بيه عشان يحافظ علي توازنك و انت طالع و عشان لو ايدك سابت الصخور تكون في نفس ارتفاعك و متقعش.


سعر اللعبه ديه 50جنيه


+لعبه الاحبال المنخفضه (low ropes)


و من هنا بتبدا الاثاره انك تمشي علي احبال و جسر و اللعبه ديه محتاجه توازن و حتي لو رجليك ثابت و انت علي ارتفاع فبيكون في حبل تاني بتتزحلق عليه عشان يوصلك لمنطقه التانيه و تكمل اللعبه.

ديه سعرها 75جنيه
+لعبه الاثاره High rope 
و ديه حلوتها انها ارتفاع عالي جدا و بتمسك في احبالي و تتشعبط في الجبل و تتحرك بالحبل زي طرزان.
ديه اصعب لعبه عندهم بس كل ده امان بنسبه ١٠٠٪
سعرها 100 جنيه.
**اهم الملحوظات
-روح بملابس رياضيه و كوتشي و بلاش جينز عشان حركه رجلك تكون سهله
-قبل ما تروح لازم تحجز قبلها مع ماريو عشان تعرف في اماكن و لا لأ
و ده رقمه 01200140662
-لو رايح بالمواصلات اركب اي عربيه راحه المقطم و قلهم دير سمعان و هينزلك في اقرب مكان فتنزل تركب توك توك ب ٥ جنيه يطلعك لفوق.
-لو عندك فوبيا من الاماكن العاليه بلاش تروح.
- المكان امان بنسبه ١٠٠٪ و الناس هناك متعاونه جدا جدا و بيهرجوا معاك عشان تتلاشي الخوف.
- لو سنك اقل من ١٨ سنه فلازم يكون معاك حد من اهلك عشان يمضي انك سليم و مش بتعاني من مشاكل صحيه.
-المكان شغال طول الاسبوع ما عدا يوم الاحد.
-مش لازم تلعب كل حاجه و بتحاسب بعد اما تخلص لعب.

العودة إلى “رحلات القاهرة”

الموجودون الآن

المستخدمون الذين يتصفحون المنتدى الآن: Google [Bot] و 13 زائراً