دروس فى تذاكر الطيران - درس رقم 1
مرسل: الأربعاء سبتمبر 23, 2009 6:44 pm
الاخوة اعضاء المنتدى
اليوم ان شاء الله نبدأ اول دروس تذاكر الطيران حتى نقوم بتوعية الناس على فهم تذاكر الطيران وان شاء الله خطوة خطوة حتفهم كل حاجه فى تذكرة الطيران
اول حاجه انهارده نبدأ فيها وهى انواع تذاكر الطيران بمعنى ان سعر التذكرة بيختلف من سن لسن والتقسيمة بالترتيب كالاتى:
تذكرة الكبير ودى بتكون لاى شخص فوق ال 12 سنة بتعرف باللغة الانجليزية باسم Adult واختصارها ADT
تذكرة الطفل : (الطفل لة كرسى ) ودى بتكون لاى شخص ما بين سنتين - 12 عاما وبتعرف باسم Child واختصارها CHD
تذكرة الرضيع : ( لازم يكون مع امة ) والرضيع ليس له كرسى على الطيارة - ودى بتبقى لاى طفل سنة اقل من سنتين .
طبعا بالنسبة للسن بيتحدد بتاريخ السفر ..بمعنى انك لما تكون مسافر عندك كام سنة ...اتمنى الدرس الاول يكون خفيف وبسيط والى اللقاء فى دروس اخرى انشاء الله