اسهل سفارة لاستخراج تاشيرة الشنغن من مصر 2020
مرسل: الاثنين مايو 08, 2017 3:58 pm
اسهل سفارة لاستخراج الشنغن من مصر 2020
الاخوة الكرام فى الموضوع ده ويا ريت تشاركوني فية حنتكلم عن اسهل سفارة لاستخراج تاشيرة الشنغن من مصر وللمصريين بالاخص
طبعا التقديم دلوقتي فى معظم السفارات الاوروبية بيتم عن طريق شركتين
VFS و TLS
دول تقريبا مسيطريين على معظم السفارات
انا حتكلم عن تجربتي فى السنة اللى فاتت وانا لما روحت اخد تاشيرة النرويج انضف واورق سفارة فى اوروبا
السنة اللى فاتت الحمد لله مكنش في شركة وسيط بيني وبين السفارة فدة اداني فرصة اني اقدم كل الاوراق المطلوبة لتاشيرة الشنجن
القصة اني كنت مقدم الورق انا ووالدتي وزوجتي وابني الصغير سنة تقريبا
المفاجاة اني انا ووالدتي خدنا موافقة وزوجتي خدت رفض ؟؟؟
اه واللهي علشان كدة انا كاتب التقرير بخصوص لو حد خد رفض متتخضش لانك بكل بساطة ويسير طالما انت سليم ومش رايح تهرب انك تعمل حاجه اسمها طلب استئناف
طيب مراتي خدت رفض لاني مكنتش قايلهم انها مراتي فى الاوراق
فلذلك قدمت طلب استئناف يرسل عن طريق الايميل وضحتلهم انها زوجتي مع كل الاوراق طبعا وعقد الزواج وتمت الموافقة عليها وسافرنا الحمد لله
شوية حاجات عاوزكم ترفقوها فى الاوراق بتاعتكم من فضلكم :
كشف حساب البنك
يا ريت وانت بتجيب كشف حساب البنك تجيبة باللغة الانجليزية
2 - يا ريت الكشف يكون مختوم
3- صور كل الفيز كارت بتاعتك الوش فقط وارفقها مع الملف
4- فى حاجه فى البنك اسمها كشف رصيد باللغة الانجليزية همه عارفينة موجة للسفارة ،، ده مهم جدا على فكرة والسفارة مش بتطلبة بس انت هاتوا معاك علشان يدعم ملفك فى السفارة
لو معاك عربية ارفق رخصة العربية مع الملف علشان يعرفوا انك معاك عربية ومش محتاج تهرب
خد بالك ان موظف السفارة ده مش حيشوفك اساسا هو حيشوف اوراقك فقط ليس اكثر
المشاركة اللي جاية حكمل موضوع تاشيرة الشنجن من مصر