صفحة 1 من 1

اغلي مطعم موجود فى مصر !! - تقرير بالصور والاسعار

مرسل: الخميس فبراير 16, 2017 7:06 am
بواسطة رحلات مصر
أغلي مطعم موجود فى مصر 

تقرير جميل جدا بالصور والاسعار 

فى احدي جولاتي المكوكية داخل مصر لفيت كتير وكتير بعد تقارير عن الاماكن السياحية فى  مصر ، لكني كنت بدور من زمان على اغلي مطعم فى مصر والحمد لله لاقيتة  :custom14: :custom14:

المطعم مش موجود فى فورسيزون ولا في فيرمونت هليوبوليس ولا فى اي من الفنادق المعروفة 


لما تعرف ان طبق الريش الضاني الواحد ب 400+ الخدمة والضريبة يعني فى النهاية ب 512 جنية  

لما تعرف ان طبق السلطة ب 150 جنية  يعني لو شخصين ممكن يتغدوا ب 3000 جنية ده علي اساس ان كل شخص حياخد 4 اطباق ليس اكثر 


الغريب مش فى ان المطعم هو اغلي مطعم فى مصر بس 

الغريب ان المطعم اسمة الحمار الازرق  هههههههه

اه واللهي وطبعا علشان يبقي اسمة جميل لازم تقلبها انجليزي والمطعم اسمة 

Blue Donkey restaurant 



الموجود فى قرية تونس بالفيوم فى فندق لازيب ان 

للاسف كان نفسي اخش المطعم وانقلكم تجربتي فية واقلكم الاكل كان حلو ولا وحش  

بس كان علي عيني واللهي العين بصيرة ههههههه

طيب دى صورة المطعم 

صورة


ودى بقي مينو الاسعار بتاعت مطعم الحمار الازرق الموجود فى فندق لازيب ان الفيوم 

صورة

صورة


تخيل يا فندم ان السلطة البلدي ام  جنية 10 فى اى مطعم ، فى المطعم ده حتلاقيها ب 80 + الخدمة والضريبة يعني حتقف عليك فى النهاية ب 102 جنية !!

مالوا مطعم صبحي كابر ما هو زي الفل وجميل جدا 

اتمني ان تقريري يكون عجب حضراتكم انهارده ، لو فى اى سؤال حضرتك ممكن تخش تسجل واحنا حنرد عليك على طول 

Re: اغلي مطعم موجود فى مصر !! - تقرير بالصور والاسعار

مرسل: الخميس يوليو 06, 2017 10:56 am
بواسطة hebaa esmael
ع اييه يعني .. بيجيبوا أكل من هاواي مثلا ؟ :D

Re: اغلي مطعم موجود فى مصر !! - تقرير بالصور والاسعار

مرسل: الأربعاء يوليو 19, 2017 2:15 pm
بواسطة رحلات مصر
hebaa esmael كتب:ع اييه يعني .. بيجيبوا أكل من هاواي مثلا ؟ :D

ده حتي هااواي مش حتوصل للاسعار دى